بیرلشکن ملتلر تشکیلاتینینگ باش کاتبی آنتونیو گوترش سۉنگگی کونلرده ایرانده نمایشچیلرگه قرشی زۉرآورلیک قۉللنیلگنی، بونینگ عاقبتیده آدملر اۉلگنی و یرهلنگنلری حقیدهگی خبرلردن لرزهگه توشگنینی تیلگه آلدی.
جناب گوترش بوگون تانگده دوشنبه، 22-جدي ایکس اجتماعي ترماغیده سۉز اېرکینلیگی همده تینچ ییغیلیشلر اۉتکزیش حقوقی تۉلیق حرمت قیلینیشی و حمایه قیلینیشی لازملیگینی یازدی.
او ایران حکومتی رسميلرینی وزمینلیک کۉرسهتیشگه و کوچدن نا اۉرین یاکه نامتناسب طرزده فایدهلنیشدن تيیلیشگه چقیردی.
بیرلشکن ملتلر تشکیلاتینینگ باش کاتبی شونینگدېک، ایرانده علاقه واسطهلری و اخباراتگه اېریشیش امکانیتینی قَیته تیکلشگه چقیردی.
ایران حکومتی ناراضیلیک نمایشلری کېنگهیگنیدن سۉنگ، اۉتگن هفته پنج شنبه کونی کېچقوروندن باشلب بوتون مملکت بۉیلب اینترنتنی اوزیب قۉیگن.
بوتون دنیا بۉیلب اینترنتگه کیریشنی کوزهتیب بارووچی نتبلاکس تشکیلاتی معلوماتیگه کۉره، 84 ساعت اۉتگنیگه قرهمهی، ایرانده اینترنت هنوز اوزیلگنیچه قالماقده.
خلقارا انسان حقوقلری تشکیلاتلری مملکت بۉیلب اینترنت و علاقهلر اوزیلیشی یانیده، ایرانده نمایشچیلرگه نسبتاً کېنگ کۉلملی باسیم اۉتکزیلهیاتگنی یوزهسیدن خواطر بیلدیرگن.
ایران انسان حقوقلری تشکیلاتی کېچه اعلام قیلگن حساباتیده، دولت کوچلری تامانیدن کمیده 192 نفر نمایشچی اۉلدیریلگنینی معلوم قیلدی.
ایران دولت عاموي اخبارات واسطهلری هم اوشبو ناراضیلیکلر چاغیده هلاک بۉلگنلر سانی سېزیلرلی اېکنینی خبر قیلگن و بونگه «ترتیبسیزلیک قیلووچیلر» همده «ترورچیلر»نی سببچی صفتیده کۉرستگن.
ایران حکومتی نمایشلر دوامیده کۉپلب آدملر هلاک بۉلگنینی انابتگه آلیب، اوچ کونلیک عمومي ماتم اعلام قیلگن
…
