سوريه ساغلیقنی سقلش وزیرلیگی حمص شهریدهگی بیر مسجدده یوز بېرگن پارتلش عاقبتیده کمیده بېش کیشی هلاک بۉلگنی، ینه ۲۱ کیشی یرهلنگنینی معلوم قیلدی.
سانا اخبارات آژانسی نینگ خبریگه کۉره، پارتلش بوگون توش پیتی (جمعه، ۵ جدی) حمص شهرینینگ « وادی ذهب» منطقهسیده، « امام علی بن ابی طالب» مسجدی ایچیده یوز بېرگن.
مذکور یېتکرمه سوريه خوفسیزلیک منبعلریگه تهیهنیب یازیشیچه، دستلبکی تېرگاو نتیجهلریگه کۉره، پارتلش یشیرین طرزده جایلشتیریلگن بمب عاقبتیده یوز بېرگن.
حاضرچه هېچ بیر شخص یاکه گروه اوشبو پارتلش اوچون جوابگرلیکنی اۉز ذمّهسیگه آلمهگن.
سوريه بشر اسد حکومتی نینگ قولهشیدن و احمد شرع رهبرلیگیدهگی مؤقت حکومت حاکمیتگه کېلگنیدن سۉنگ، مملکتده دیني زۉروانلیک حالتلری کۉپهیگن.
آلدین هم سوريهده مسجدلر و تورلی دیني گروهلرگه تېگیشلی عبادت جایلریده پارتلشلر صادر بۉلگن اېدی.
