روسیه تشقی ایشلر وزیرلیگی مطبوعات سۉزلاوچیسی ماریا زاخارووا، ایران نینگ باییتیلگن یورانیوم ذخیرهلری تقدیری بۉییچه هر قندهی قرارنی فقط ایران نینگ اۉزی قبول قیلیشی کېرهکلیگینی ایتدی.
رویترز خبریگه کۉره، ماریا زاخارووا بوگون (پنجشنبه، ۳۱-ثور) ژورنالیستلرگه شوندهی دېگن: «ایران اۉز یورانیوم ذخیرهلری تقدیرینی مستقل روشده بېلگیلشی کېرهک.»
اونینگ قۉشیمچه قیلیشیچه، روسيه ایران و امریکا قۉشمه ایالتلری اۉرتهسیده مذاکرهلر آرقهلی تینچلیکنی تأمینلشگه قرهتیلگن هر قندهی یاردم اوچون تیار.
ماریا زاخارووا فکریچه، ایران بیلن باغلیق بحران فقط «ایران منفعتلرینی انابتگه آلهدیگن دیپلوماتیک آرقهلی» حل قیلینیشی ممکن.
سۉنگگی بیر ییل ایچیده ماسکو کمیده تۉرت مرته عامهوي روشده ایران نینگ باییتیلگن یورانیومینی مملکتدن چیقریب، اونی روسيهده سهقلش تکلیفینی بیلدیرگن.
آخرگی مرته ۱۱ کون آلدین ولادیمیر پوتین ماسکو۲۰۱۵ ییلگی تجربهگه اۉخشش طرزده ایران یورانیومینی تشقریگه آلیب چیقیش جریانینی تکرارلشگه تیار اېکنینی ایتگن اېدی.
بو آرهده امریکا قۉشمه ایالتلری و اسرایل دایما اېران نینگ باییتیلگن یورانیومینی مملکت تشقریسیگه چیقریش ضرورلیگینی تأکیدلب کېلماقده. اما رویترز بوگون ایران رهبری مجتبی خامنهای، «یوقاری درجهده باییتیلگن یورانیوم مملکتدن چیقریلمسین» دېگن کۉرسهتمه بېرگنینی خبر قیلدی.
