ایران پارلمانی ملي خوفسیزلیک کمیسیونی مطبوعات سۉزلاوچیسی ابراهیم رضایی، اگر امریکا قۉشمه ایالتلری ینه بو مملکتگه هجوم قیلسه، ایران یورانیومنی باییتیش درجهسینی۹۰ فایزگه یېتکزیشینی آگاهلنتیردی.
رضایی بوگون (سهشنبه، ۲۲-ثور) ایکس اجتماعي ترماغیده بو مسأله پارلمانده کۉریب چیقیلهیاتگنینی یازدی.
او شونینگدیک«ایراننینگ تکراري هجوم حالتیدهگی وریانتلریدن بیری۹۰ فایزلی باییتیش بۉلیشی ممکن. بیز بونی پارلمانده کۉریب چیقهمیز» دېگن.
۹۰ فایزگچه باییتیلگن یورانیوم هسته بۉمبهسیده حربي مقصدلرده فایدهلنیش امکانیتیگه اېگه حسابلنهدی.
ماههممهد بهگهېر گههلیبهف، اېران پارلمانی رئیسی محمدباقر قالیباف هم کېچه کېچقورون امریکا ایران جوابیدن «حیرتده قالیشی» حقیده آگاهلنتیرگن اېدی.
بو آرهده امریکا قۉشمه ایالتلرینینگ جمهور رییسی دونالد ترامپ تیناوون ایراننینگ تینچلیک کېلیشووی بۉییچه سۉنگّی جوابینی رد اېتدی و اۉت آچیشنی تۉختهتیش جوده مۉرت اېکنینی ایتدی.
ترامپنینگ تأکیدلشیچه، ایران رهبرلری یورانیومنی باییتیش مسألهسیده کېلیشووگه تیار اېمس و حتا بو موضوعنی تکلیف اېتیلگن حجتلرده هم تیلگه آلمهیپتی.
سیانان بوگون تانگده خبر بېریشیچه، جمهور رییس دونالد ترامپ حاضر «کۉپراق حربي وریانتلر حقیده اۉیلهماقده».
