سپاه پاسدران ایراننینگ معلوم قیلیشیچه، سۉنگّی ساعتلرده هرمز بۉغازیدن هېچ قندهی کېمه یاکه نفت تانکری اۉتمهگن و «امریکا قۉشمه ایالتلری رسميلرینینگ دعوالری اساسسیز همده مطلقا یالغان دیر».
ایران دولت تلویزیونینینگ خبریگه کۉره، سېپاه پاسدران مطبوعات خدمتی «دېنگیز کوچلری تامانیدن اعلان قیلینگن قاعدهلرگه ضد هر قندهی حرکت جدّي خوف بیلن یوزلشهدی و قاعدهبوزر کېمهلر قطعي چارهلر بیلن تۉختهتیلهدی»، دېب بیلدیرگن.
بوگون توشدن کېین امریکا مرکزي قوماندانلیگی (سنتکام)اېسه راکت بیلن جهازلنگن حربي کېمهلر هرمز بۉغازی و فارس کۉرفزیگه کیرگنی همده اولرنینگ قۉللب-قوّتلشی آستیده امریکا بیراغی آستیدهگی ایکّی تجارت کېمهسی موفقیتلی اۉتگنینی اعلان قیلگن اېدی.
دونالد ترامپ هم امریکا حربيلری بوگوندن باشلب بۉغازده قالیب کېتگن کېمهلرنی کوزهتیب اۉتیشینی معلوم قیلگن.
بیراق، ایراننینگ آگاهلنتیریشیچه، اگر امریکا کوچلری هرمز بۉغازیگه یقینلشسه یاکه اونگه کیریشگه اورینسه، اولر هجومگه اوچرهیدی.
