پاکستان اروسینینگ معلوم قیلیشیچه، مملکت کوچلری تامانیدن خیبر پختونخواه ایالتیده اۉتکزیلگن عملیات دوامیده۲۲ نفر «ترورچی» یۉق قیلینگن.
بوگون (جمعه، ثور) اعلان قیلینگن بیاناتده ایتیلیشیچه، اوشبو عملیات تۉرت کون اوّل «خارجي جنگریلر» نینگ موجودلیگی حقیدهگی معلوماتلردن سۉنگ باشلنگن.
پاکستان اوردوسی بو شخصلرنی «هندستان تامانیدن قۉللب-قوّتلنهیاتگن خوارج فتنهسی»گه علاقهدار دېب اتهگن. بو اتَمه پاکستان رسميلری تامانیدن تحریک طالبان پاکستان (تیتیپی) اوچون قۉللنهدی.
بیاناتگه کۉره، تۉقنهشوولر دوامیده و «خوارجلرنینگ ترتیبسیز اۉق اوزیشی» عاقبتیده 10 یاشلی بیر باله هم هلاک بۉلگن.
شونینگدېک، پاکستان اوردوسی اوشبو شخصلردن معلوم مقدارده قورال-یراغ و اۉق-داریلر مصادره قیلینگنینی بیلدیرگن.
پاکستان تحریک طالبان پاکستان (تیتیپی) هندستان تامانیدن قۉللب-قوّتلنیشینی و اولر افغانستان حدودیدن فایدهلنیب، هجوملرنی رېجهلشتیریب عملگه آشیرهیاتگنینی دعوا قیلهدی.
بیراق، طالبلر رسميلری افغانستانده تیتیپی موجودلیگینی رد اېتیب، بو مسألهنی پاکستان نینگ ایچکی معماسی دېب حسابلش هدی.
