ایران عاموی اخبارات واسطهلرینینگ خبر بېریشیچه، سیستان و بلوچستان ولایتی نینگ سراوان اولسواللیگیده قوراللنگن شخصلر هجومی عاقبتیده اوچ نفر خوفسیزلیک خادمی اۉلدیریلگن.
فارس اخبارات آژانسینینگ معلوماتیگه کۉره، هجوم بوگون (پنجشنبه،۲۷حمل) سراواندهگی «یاردم بۉلینمهسی پولیس خادملری»گه قرهتیلگن.
سیستان و بلوچستان پولیسی اخبارات مرکزینینگ معلوم قیلیشیچه، اوشبو خادملر «فقرالر خوفسیزلیگینی تأمینلش جریانیده» بۉلگن پیتده آتیشمهگه اوچرهگن.
ولایت پولیسی بو حادثهنی «ترورچیلیک هجومی» دېب اتهب، عیبدارلرنی قۉلگه آلیش ایشلری دوام اېتهیاتگنینی بیلدیرگن.
ایران رسميلری اوّل هم سیستان و بلوچستانده قوراللی هجوملرگه اوچرهگن.
بعضی حالتلرده «جیش العدل» گروهی بو هجوملر اوچون جوابگرلیکنی اۉز ذمّهسیگه آلگن.
