ایران تشقی ایشلر وزیرلیگینینگ جَنوبي آسیا بۉلیمی مدیری محمدرضا بهرامی، ایران اسلام آبادنینگ دیپلوماتیک سعی-حرکتلرینی قۉللب-قوّتلشینی ایتدی.
بو سعی-حرکتلر امریکا و اسرایل تامانیدن آلیب باریلهیاتگن هجوملرنی تۉختهتیشگه قرهتیلگن بۉلیب، ایراننینگ «قانوني حقوقلری» دایرهسیده بهالنماقده.
او بوگون (سهشنبه،۱۱ حمل) ایکس اجتماعی ترماغیده یازگن پُستیده شوندهی دېدی؛ بو یاندشوو سیاسي و منطقوي یېچیملرنینگ مهملیگینی کۉرسهتهدی همده تینچلیکنی مستحکملش، کېسکینلیکنی کمهیتیریش و برقرارلیککه قَیتیشگه فرصت یرهتهدی.
پاکستان سۉنگگی پیتلرده ایران و امریکا اۉرتهسیده واسطهچیلیک قیلیش حرکتلرینی کوچهیتیرماقده. شو دایرهده، او آخرگی کونلرده تورکيه، سعوديه عربستانی و مصر تشقی ایشلر وزیرلرینی قبول قیلیب، منطقهدهگی کېسکینلیکنی کمهیتیریش مسألهسینی محاکمه قیلگن.
امریکا و اسرایلنینگ ایران بیلن اوروشی، شونینگدېک ایران سپاهپاسداراننینگ منطقهدهگی هجوملری ماجرا کېنگهییب کېتیشی حقیدهگی خواطرلرنی کوچهیتیرماقده.
تورلی مملکتلر ماجرا طرفلرینی اوروشنی تۉختهتیب، مذاکرهلرگه قَیتیشگه چقیرماقده. اما ایران حاضرچه امریکا بیلن تۉغریدن-تۉغری مذاکرهلرنی رد اېتیب، فقط واسطهچیلر آرقهلی پیام المشینووی بۉلهیاتگنینی بیلدیرگن.
