قطر تشقی ایشلر وزیرلیگی « رأس لفان» صناعت حدودیگه قیلینگن هجوم آرتیدن ایران اېلچیخانهسینینگ حربي اتشهسی و خوفسیزلیک اتشهسینی « عنصر نامطلوب» دېب اعلان قیلیب، مملکتدن چیقریب یوبارگنینی معلوم قیلدی.
وزیرلیک بیاناتیده اوشبو شخصلر۲۴ ساعت ایچیده قطر توپراغینی ترک اېتیشی کېرهکلیگی ایتیلگن.
شونینگدېک، بو قرار ایران تامانیدن تکراري نشانگه آلیش و قطرحاکمیتی همده خوفسیزلیگیگه آچیق تجاوزلر یانیده قبول قیلینگنی، بو اېسه خلقارا حقوق تمایللری و بیرلشگن ملتلر تشکیلاتی خوفسیزلیک کېنگشی نینگ (۲۸۱۷)سانلی قطعنامهسی همده یخشی قۉشنیچیلیک پرینسیپلرینی بوزیشی تأکیدلنگن.
قطر تشقی ایشلر وزیرلیگی ایران تامانیدن دوام اېتهیاتگن «دشمنانه سیاست» شوندهی دوام اېتسه، قطر حکومتی حاکمیتینی، خوفسیزلیگی و ملي منفعتلرینی حمایه قیلیش اوچون قۉشیمچه چارهلر کۉریشینی بیلدیرگن.
ایران سپاه پاسداران حربیلری اسرایل جَنوبي پارس نفت انشااتلریگه قیلینگن هجومگه جوابن، قطر، بیرلشگن عرب امیرلیگی و سعودیه عربستاندهگی بېشته نفت قَیته ایشلش فابریکه گه هجوم قیلینیشینی اعلان قیلگن.
قطر انرژی وزیرلیگی اېسه رأس لفان حدودیدهگی گاز انشااتلری قطرگه ایران هجومی آستیده قالگنینی و کتّه مقدارده ضرر یېتکزیلگنینی بیلدیرگن.
