اروپا اتفاقی تشقی سیاست بۉییچه مسوولی کاجا کالاس، ایران و امریکا قۉشمه ایالتلری اۉرتهسیدهگی اوچینچی مذاکرهلر باشلنگنیدن آلدین، ایران بۉییچه دیپلوماتیک یېچیم تاپیشنی طلب قیلدی.
کاجا کالاس بوگون (دوشنبه ۴ حوت) بروکسلده اروپا اتفاقی تشقی ایشلر وزیرلری ییغیلیشی آلدیدن شوندهی دېگن: «بیز منطقهده باشقه اوروشگه محتاج اېمسمیز. حاضرده بیزده الّهقچان کۉپلب اوروشلر بار»
اونینگ ایتیشیچه، «تۉغری، ایران اۉزینینگ آلدینگی کوچیدن ضعیفراق نقطهده توریبدی. بیز حقیقتاً هم شو وقتدن دیپلوماتیک یېچیم تاپیش اوچون فایدهلنیشیمیز کېرهک»
ایران و امریکا اۉرتهسیدهگی اوچینچی هسته مذاکرهلری شو هفته نینگ پنجشنبه کونی جنېواده بۉلیب اۉتهدی.
امریکا جمهور رییسی دونالد ترامپ، ایران بیلن معنالی کېلیشووگه اېریشیلمسه، جوده یامان واقعهلر یوز بېریشینی تهدید قیلگن.
حاضرگی مذاکرهلر ایران و امریکا اۉرتهسیدهگی کېسکینلیکنینگ آشیشی و حربي ماجرالر احتمالی آرتیدن باشلنگن.
ایکّی تامان اۉتگن ییل هم ایراننینگ هسته دستوری و چېکلاولرنی بېکار قیلیش بۉییچه بېش مراتهبه مذاکره قیلگن، لېکن بو مذاکرهلر اسراییلنینگ ایرانگه هجومی سبب تۉختهتیلگن.
