فارس اخبارات آژانسینینگ خبر بېریشیچه، اېران جمهور باشلیغی مسعود پژشکیان امریکا بیلن مذاکرهلرنی باشلش بۉییچه کۉرستمه بېرگن.
اوشبو اخبارات واسطهسی بوگون توشدن کېین (دوشنبه،۱۳ دلو) اېران حکومتی ایچیدهگی بیر منبعگه تهیهنیب یازیشیچه، اېران و امریکا هستوي مسأله دایرهسیده مذاکرهلر آلیب بارهدی.
اېران تشقی ایشلر وزیری عباس عراقچی تیناوون سیانان بیلن صحبتده منطقه دولتلری اېران و امریکا اۉرتهسیدهگی هستوي مذاکرهلرنی قَیته باشلشگه حرکت قیلهیاتگنینی ایتگن.
اونینگ قۉشیمچه قیلیشیچه، اېران هستوي قورالگه اېگه بۉلمسلیگینی کفالتلهیدیگن عدالتلی و خالص کېلیشووگه اېریشیش ممکن.
امریکا جمهور رییسی دونالد ترامپ هم سۉنگگی کونلرده اېران مذاکره قیلیشنی خواهلهیاتگنینی بیلدیرگن.
او اوّلراق، اېرانده ناراضیلیک نمایشلری باستیریلگنیدن کېین، اگر اېران مذاکرهلر چوکیسیگه قَیتمسه، جوده قتّيق ضربهگه دوچ کېلیشینی تهدید قیلگن اېدی.
