ایران رهبری علی خامنهای ینگی قرهمه-قرشیلیکلر یانیده امریکا بیلن مناسبتلرگه عاید بیانات بېریب، او امریکالیکلرنی آگاهلنتیردی، اگر اوروش باشلنسه، بو مرته اوشبو اوروش منطقوي اوروش بۉلهدی.
بوگون 12 دلو یکشنبه، تهرانده بیر گروه اهالیگه مراجعت قیلگن علی خامنهای «بیز باشلاوچی اېمسمیز و هېچ قندهی دولتگه هجوم قیلماقچی اېمسمیز، اما ایران خلقی کیم هجوم قیلسه و ناقولهیلیک توغدیرسه، اونگه قطعي جواب بېرهدی».
او امریکا جمهور باشلیغی دونالد ترامپنینگ تهدیدلریگه اشاره قیلیب، «آلدین هم امریکالیکلر دایمي روشده تهدید قیلگن، برچه وریانتلر، جملهدن اوروش هم چوکی اوستیده دېییشگن» دېدی.
علی خامنهای نینگ قۉشیمچه قیلیشیچه «اېندی بو شخص (ترامپ) هم دایمي روشده «کېمه یوباردیک» دېب دعوا قیلماقده. اېران خلقی بوندهی تهدیدلر بیلن قۉرقمهیدی و بونگه تأثیر قیلمهیدی».
علی خامنهای یقینده ایران ایچیدهگی ناراضیلیکلرنی «فتنه» دېب اتهدی و بو سفر اونی «کودتا»گه اۉخشتدی.
او شوندهی دېگن: «البته، تۉنتریش باستیریلدی» و اولرنینگ مقصدی ایران باشقروویده مهم مرکزلرنی یۉق قیلیش اېدی.
دونالد ترامپ، ایران ایچیدهگی ناراضیلیکلر باستیریلگندن کېین، اوشبو مملکتنی بیر نېچه بار کوچلی ضربه و حربي هجوم بیلن تهدید قیلگن.
ترامپ «مېن اېران تامان جوده کتّه کوچ یوباردیم و امید قیلهمنکی، اونی ایشلهتیشگه مجبور بۉلمهی دېگن.»
