رویترز خبرگزارلیگینینگ گزارش بېریشیچه، اگر ایران و امریکا اۉرتهسیده کېلیشووگه اېریشیلسه، هرمز بۉغازی ۳۰کون ایچیده قَیته آچیلهدی.
رویترز بوگون (سهشنبه، ۵ جوزا) نشر قیلگن حساباتیده یازیشیچه، ایران کېلیشوودن سۉنگ ۳۰ کون ایچیده هرمز بۉغازیدهگی ماینلرنی تازهلش ایشلرینی باشلهیدی.
اوشبو خبرگزارلیک معلوماتیگه کۉره، بۉغاز قَیته آچیلگچ، «برچه دولتلرنینگ کېمهلری اېرکین و خوفسیز حرکتلنه آلهدی».
یقین شرقدهگی دیپلوماتیک منبعلر اېران آخرگی بیر آی دوامیده باشلهگن ترانزیت تۉلاولرینی هم تۉختهتیشینی بیلدیرگن. بیراق ایران حکومتی حاضرگچه هېچ قندهی باج آلینمهگنینی، فقط کېمهلردن «نویگتسیه خرجتلری» اوندیریلهیاتگنینی اَیتماقده.
ایران و امریکا حاضر مذاکرهلر آلیب بارماقده و اَیریم ایجابي سیلجیشلرگه قرهمهی، حلی یکوني کېلیشوو امضالنمهگن. عامهگه معلوم بۉلگن مسألهلردن بیری – ایکّی تامان نینگ ۶۰ کونلیک اۉت آچیشنی تۉختهتیش رېجیمیگه راضیلیک بیلدیرگنیدیر. اوشبو ایکّی آیلیک تنفس دوامیده ایران نینگ هستوي دستوری بۉییچه مذاکرهلر اۉتکزیلیشی رېجهلشتیریلگن
