قطر تشقی ایشلر وزیرلیگینینگ دولت وزیری محمد بن عبدالعزیز بن صالح الخلیفی افغانستان اوچون چیننینگ نمایندهسی یو شیائو یونگ بیلن اوچرهشیب مذاکره اۉتکزدی.
قطر تشقی ایشلر وزیرلیگی بوگون (پنجشنبه، ۲۴-حوت) ترقتگن بیاناتیده ایتیلیشیچه، تامانلر افغانستاندهگی سۉنگّی وضعیت و مملکتده خوفسیزلیک همده برقرارلیکنی تأمینلش یۉلیده خلقارا همکارلیکنی کوچهیتیریش مسألهلرینی محاکمه قیلگن.
وزیرلیککه کۉره، محمد بن عبدالعزیز بن صالح الخلیفی قطر حکومتی ماجرالرنی تینچ یۉللر بیلن حل قیلیش و منطقوي همده خلقارا درجهده تینچلیک و برقرارلیک اساسلرینی مستحکملشگه قرهتیلگن برچه سعی-حرکتلرنی تۉلیق قۉللب-قوّتلشینی ینه بیر بار تأکیدلهگن.
چیننینگ افغانستان بۉییچه مخصوص نمایندهسی یو شیائو یونگ افغانستانگه سفر قیلیب، طالبلر رسميلری بیلن اوچرهشگنیدن سۉنگ قطرگه بارگن.
او کابلده طالبان تشقی ایشلر وزیری امیرخان متقی بیلن اوچرهشوودن کېین طالبان و پاکستان «اورومچی جریانی»نی ایجابي بهالهگنینی ایتگن اېدی.
طالبان و پاکستان رسميلری جاري ییلنینگ حمل آییده قریب ایکّی آیلیک تۉقنهشوولردن سۉنگ چین واسطهچیلیگیده اورومچی شهریده بیر هفتهلیک مذاکره اۉتکزگن.
بو مذاکرهلر یو شیائو یونگ واسطهچیلیگیده بۉلیب اۉتگن و یکونده تامانلر وضعیتنی کېسکینلشتیرهدیگن حرکتلردن تيیلیش بۉییچه کېلیشووگه اېریشگن اېدی.
بیراق مذاکرهلردن کېین هم ایکّی تامان اۉرتهسیدهگی تۉقنهشوولر دوام اېتدی و پاکستان ینه افغانستاننینگ اَیریم حدودلریگه هوا همده راکت هجوملری اویوشتیردی.
