حاضر طالبلر کنترولی آستیده بولگن «عمومی سیناو ادارهسی» نینگ معلوم قیلیشیچه، ۱۴۰۵ ییل عمومی کانکور امتحانینی تاپشیریش جریانی بوگون افغانستاننینگ ۱۵ ولایتیده اۉغیل بالهلر اوچون باشلنگن.
اوشبو اداره بیاناتیگه کۉره، امتحان بوگون (پنجشنبه، ۲۴-حوت) اېرتهلب میدان وردک، پروان، غزني، کنر، بغلان، فاریاب، بادغیس، لوگر، کاپیسا، پکتیا، هرات، سرپل، ارزگان و غور ولایتلریده، شونینگدېک بدخشاننینگ فیض آباد، بهارک، شغنان، درواز و خواهان اولسواللیکلریده باشلنگن.
ادارهنینگ قۉشیمچه قیلیشیچه، اوشبو حدودلرده امتحان جریانی اېرتهگه هم دوام اېتهدی. نامزادلرنینگ بیامېتریک معلوماتلری اېسه سهشنبه و چهارشنبه کونلری رۉیخطگه آلینگن.
«کانکور» امتحانیده اشتراک اېتووچیلر سانی حقیده انیق رقم بېریلمهگن.
بو ییلگی امتحان هم اۉتگن ییللردهگی کبی فقط اۉغیل بالهلر اشتراکیده اۉتکزیلماقده. طالبلر حاکمیتگه قَیتگنیدن کېین بیر ییل دوامیده قیزلرگه هم اشتراک اېتیشگه رخصت بېرگن اېدی، بیراق کېینچهلیک اولرنینگ اشتراکی بوتونلهی تعقیقلنگن.
شونینگدېک، قیزلر نینگ ۶-صنفدن یوقاری تعلیم آلیشی هم منع اېتیلگن بۉلیب، بو کېلهجکده عملده قیزلر اوچون عالي تحصیل امتحانیگه کیریش امکانینی یۉققه چیقریشی ممکن.
