«والاستریت ژورنال» خبردار منبعلرگه تهیهنیب گزارش بېریشیچه، بیرلشگن عرب امیرلیگی یشیرین طرزده ایرانگه هجوم قیلگن.
نشر دوشنبه کونی (۲۱-ثور) نشر قیلگن گزارشیده یازیشیچه، بیرلشگن عرب امیرلیگینینگ هجومی اپریل آیی باشیده، امریکا قۉشمه ایالتلری تامانیدن اۉت آچیشنی تۉختهتیش اعلان قیلینگن پیتگه تۉغری کېلگن.
خبرگه کۉره، بیرلشگن عرب امیرلیگی رسمي بیانات بېرمسدن و مسوولیتنی ذمّهسیگه آلمهسدن، فارس کۉرفزیدهگی لاوان آرالیده جایلشگن ایران نفتنی قَیته ایشلش فابریکهسیگه هجوم اویوشتیرگن.
بونگه جوابن، هجوم بیرلشگن عرب امیرلیگی توپراغیدن عملگه آشیریلگنی سببلی، ایران هم اوشبو دولت تامان راکت و درونلر اوچیرگن.
اما واقعهدن بیر آیدن آرتیق وقت اۉتگنیگه قرهمهی، بیرلشگن عرب امیرلیگی حلی هم هجوم اوچون جوابگرلیکنی اۉز ذمّهسیگه آلمهدی و ایران رسميلری هم بو حقده هېچ قندهی بیانات بېرمهگن.
بیرلشگن عرب امیرلیگی، قطر، سعودی عربستان، کویت و بحرین اوروش دوامیده امریکا حربي بازهلریگه مېزبانلیک قیلگنی سببلی ایران هجوملریگه اوچرهگن اېدی. اوشبو دولتلر ایران هجوملریگه حربي جواب قَیتریش حقوقینی اۉزلریده سقلب قالگنینی بیلدیرگن.
بیراق حاضرگچه بو دولتلر نینگ هېچ بیری «آچیق روشده» ایران حدودیگه هجوم قیلمهگن.
