ایران تشقی ایشلر وزیرلیگی سۉزلاوچیسی اسماعیل بقایی بو مملکت امریکانینگ پیشنهادی جوابیده منطقهده، جملهدن لبنان اوروشنی توگهتیش، «دېنگیز قراقچیلیگی»نی تۉختهتیش و ایران خلقینینگ موزلهتیلگن بایلیکلری آزاد اېتیلیش طلبینی ایلگری سورگنی حقیده ایتدی.
تشقی ایشلر وزیرلیگی سۉزلاوچیسی بوگون (دوشنبه،۲۱ ثور) مطبوعات انجمنیده شوندهی دېدی:
«بیز پیشنهاد قیلگن برچه مسألهلر عاقلانه، مسوولیتلی و سخاوتلی تکلیفلردیر؛ نهفقط ایران ملي منفعتلری اوچون، بلکه بوتون منطقه و دنیا تینچلیگی، برقرارلیگی و خوفسیزلیگی اوچون هم.»
اونینگ سۉزلریگه کۉره، امریکا و اسرایل اوروش باشلنگنیدن کېین قیلگن حرکتلری «دېنگیز اېرکینلیگینی بوزگن، آچیق دېنگیزلرده اېران کېمهلریگه هجوملر قیلینگن. اوشبو برچه مسألهلر هم اوشبو پیشنهادلر بستهسی دایرهسیده محاکمه قیلینیشی و قرار قبول قیلینیشی کېرهک اېدی».
بقایینینگ قۉشیمچه قیلیشیچه، «افسوسکی، امریکا تامانلری اساسن صهیونستی رژیم تامانیدن شکللنتیریلگن تصورلر اساسیده بیریاقلهمه قرهشلرینی و ناجۉیه طلبلرینی دوام اېتتیرماقده.»
اېران تیناوون امریکانینگ اوروشنی توگهتیش بۉییچه سۉنگگی پیشنهاد متنیگه اۉز جوابینی پاکستان آرقهلی یوباردی.
امریکا جمهور رییسی دونالد ترامپ بو جوابنی آلگچ، اونی اۉقیگنینی و «مطلقا قبول قیلیب بۉلمهیدی» دېب ایتدی.
اېران و امریکا اسلام آبادده اۉتکزیلگن بیرینچی مذاکره باسقیچی و اۉت آچیشنی تۉختهتیشدن سۉنگ بیر نېچه بار اوروشنی توگهتیش بۉییچه تکلیف المشگن، بیراق مذاکرهلرنی قَیته باشلش و اوروشنی توگهتیش بیتیمینی امضالش بۉییچه حلی کېلیشووگه اېریشه آلمهگن.
