اېران اسلامي انقلاب قۉریقچیلری (سپاه پاسداران) نینگ خاتم النبيا چېگره قوماندانلیگی باشلیغی علی عبداللهی نینگ ایتیشیچه، امریکا تامانیدن اوشبو مملکتگه نسبتاً دوام اېتهیاتگن دېنگیز قملی اۉت آچیشنی تۉختهتیش کېلیشووی نینگ بوزیلیشی حسابلنهدی.
صدا و سیما خبریگه کۉره، خاتم الانبيا قوماندانلیگی باشلیغی آگاهلنتیریب، اگر بو قمل دوام اېتسه، ایران قوراللی کوچلری «فارس کۉرفزی، عمان دېنگیزی و قیزیل دېنگیز حدودیده هېچ قندهی واردات و صادارات نینگ دوام اېتیشیگه یۉل قۉیمهیدی»، دېب تهدید قیلگن.
امریکا جاري هفته نینگ دوشنبه کونیدن باشلب فارس کۉرفزی و عمان دېنگیزیدهگی ایران بندرلرینی قمل قیلیشنی باشلهگن همده کېمهلر و نفت تانکرلرینینگ بو بندرلرگه کیریب-چیقیشیگه تۉسقینلیک قیلماقده.
ایران اوّل هم آگاهلنتیرگن اېدی، اگر اونینگ بندرلری خوفسیزلیگیگه تهدید توغیلسه، فارس کۉرفزی و عمان دېنگیزیدهگی هېچ بیر بندر خوفسیز بۉلمهیدی.
