ایران تشقی ایشلر وزیری عباس عراقچی عرب تیلیدهگی الجدید گزېتهسیگه بېرگن صحبتیده حاضرده مجتبی خامنهای مملکتدهگی وضعیتنی باشقرهیاتگنینی ایتگن.
بوندن آلدین امریکا قۉشمه ایالتلری جمهور رییسی دونالد ترامپ، ایراننینگ ینگی رهبری حالتی حقیده شبهه بیلدیریب شوندهی دېگن اېدی: «مېن اونینگ عموماً تیریک یاکه یۉقلیگینی بیلمهیمن. حاضرگچه هېچ کیم اونی کۉرسهته آلمهدی.»
اونینگ ینه قۉشیمچه قیلیشیچه، «مېن او تیریک اېمسلیگینی اېشیتدیم، اگر تیریک بۉلسه هم، او اۉز مملکتی اوچون جوده عقللی ایش قیلیشی کېرهک، بو تسلیم بۉلیش دیر.»
سۉنگگی کونلرده اېسه اَیریم خبرلرده مجتبی خامنهای امریکا و اسرایل هجوملرینینگ بیرینچی تۉلقینیده جراحتلنگن و شفاخانهگه یاتقیزیلگنی حقیده معلوماتلر ترقهلگن اېدی.
مجتبی خامنهای اۉتگن هفته یکشنبه کونی ایراننینگ ینگی رهبری صفتیده تعیینلنگن. اۉشندن بېری اونگه نسبت بېریلگن فقط بیرته متنلی بیانات اعلان قیلینگن، اما حاضرگچه اونینگ آواز یاکه ویدیو تصویری عامهگه کۉرسهتیلمهگن.
