تورکيه مدافعه وزیرلیگینینگ معلوم قیلیشیچه، ایران تامانیدن اوچیریلگن ینه بیر بالستیک راکت مملکت هوا حدودیگه کیرگن و ناتونینگ هوا مدافعه تیزیمی تامانیدن توتیب آلینیب یۉق قیلینگن.
وزیرلیک بوگون (سهشنبه، ۱۸حوت) نشر قیلگن بیاناتیده راکتنینگ پرچهلریدن اَیریملری «غازی عینتاب» شهریدهگی بۉش یېرگه توشگنی و تلفاتلر بۉلمهگنینی بیلدیرگن.
تورکيه مدافعه وزیرلیگینینگ تأکیدلشیچه، مملکت یخشی قۉشنیچیلیک و منطقوي برقرارلیککه کتّه اهمیت بېرهدی، بیراق اۉز حدودی و هوا حدودیگه قرهتیلگن هر قندهی تهدیدگه قرشی ضرور چارهلرنی قطعیت بیلن و ایکّیلنمسدن کۉرهدی.
وزیرلیک، شونینگدېک، «تورکيهنینگ بو بارهدهگی آگاهلنتیریشلریگه عمل قیلیش همه اوچون فایدهلی» اېکنینی هم آگاهلنتیرگن.
تورکیه تۉرت کون آلدین هم ایران تامانیدن اوچیریلگن ینه بیر بالستیک راکت ناتو هوا مدافعه تیزیمی تامانیدن اوریب توشیریلگنینی معلوم قیلگن اېدی.
بیراق ایران قوراللی کوچلری باشلیغینینگ اعلان قیلگن بیاناتیده تورکيه تامانگه راکت اوچیریلگنی حقیدهگی خبرلرنی رد اېتیب، تورکیه حاکمیتیگه حرمت بیلن قرهشینی بیلدیرگن.
