امریکا جمهور رییسی دونالد ترامپنینگ آگاهلنتیریشیدن سۉنگ، اېراننینگ بیرلشگن ملتلر تشکیلاتیدهگی دایمي وکیلی و اېلچیسی امیرسعید ایروانی بیرلشگن ملتلر تشکیلاتی باش کاتبی و خوفسیزلیک کېنگشیگه مکتوب یۉللب، امریکا تهدیدلرینی درحال تۉختهتیش چارهلرینی کۉریشنی سۉردی.
اونینگ ایتیشیچه، ترامپ نینگ تهدیدلری بیرلشگن ملتلر تشکیلاتی نظامی و خلق ارا حقوقنینگ جدّي بوزیلیشی حسابلنهدی و منطقهنی ینگی بحران و بېقرارلیک تسیکلیده قالدیریش خوفینی توغدیرهدی.
ایران نمایندهسینینگ تأکیدلهشیچه: خوفسیزلیک کېنگشی و باش کاتب درحال، کېچ بۉلیشیدن آلدین چاره کۉریشی کېرهک. ایروانی نینگ قۉشیمچه قیلیشیچه: خوفسیزلیک کېنگشی زۉرآورلیککه مراجعت قیلیش یاکه تجاوزکار حرکتلرنی عادتدهگیدېک، قانوني یاکه سیاسي قبول قیلینهدیگن حالت صفتیده قبول قیلینیشیگه یۉل قۉیمسلیگی لازم؛ بو نینگ خلق ارا سیاست واسطهسی صفتیده ایشلهتیلیشی هم ممکن اېمس.
ایران نمایندهسی شونینگدېک، مملکت دایمي روشده یوقاری درجهدهگی اعلانلر بیلن ایتگن: اولر هېچ قندهی ترنگلیکنی باشلهمهیدی و اوروشنی باشلهمهیدی؛ اما اگر حربي تجاوزگه دوچ کېلسه، قطعي جواب بېرهدی.
ایروانینینگ آگاهلنتیریشیچه، اگر امریکا اېراننی هجوم قیلسه، منطقهدهگی برچه مرکزلر، انشااتلر و دشمن کوچلری نینگ ملکی ایران اوچون قانوني مقصدلر صفتیده قرهلهدی.
امریکا بیر آیدن بېری یقین شرقده حربي موجودلیگینی کوچهیتیرگن.
دونالد ترامپ پنجشنبه کونی اېراننی هستوي دستوری بۉییچه کېلیشووگه اېریشیشگه آگاهلنتیردی؛ عکس حالده، «حقیقتاً هم یامان واقعهلر» صادر بۉلهدی، دېدی.
او ۱۰-۱۵کونلیک مدت بېلگیلهگن و ایران بیلن مذاکرهلر ضدیتنی حل قیلیش یۉلیده یخشی بارهیاتگنینی ایتگن، اما تهران «معنالی» کېلیشووگه اېریشیشی کېرهکلیگینی طلب قیلگن.
