اعتبار بېریلسه، ایران و امریکا اۉرتهسیدهگی مذاکرهلرنینگ اوچینچی باسقیچی سوئیسنینگ جینوا شهریده سهشنبه کونی بۉلیب اۉتیشی کوتیلماقده.
ایران تشقی ایشلر وزیری عباس عراقچینینگ ایتیشیچه، او «عدالتلی و موازنتلی کېلیشووگه اېریشیش اوچون حقیقي تشبثلر بیلن جېنواگه بارگن».
عراقچی ایکس آرقهلی یازگن پیامیده شونی تأکیدلهگن: «کون ترتیبیده مطلقا یۉق، تهدیدلرگه بۉیسونیش».
او بوگون ایراننینگ هسته متخصصلری بیلن بیرگه خلق ارا انرژی اتمی باش مدیری فائل گروسی بیلن انیق تخنیکي مسألهلرنی محاکمه قیلهدی.
عراقچینینگ قۉشیمچه قیلیشیچه، سهشنبه کونی امریکا بیلن دیپلوماتیک مصلحتلر باشلنیشیدن آلدین او عمان تشقی ایشلر وزیری بدر البوسعیدی بیلن اوچرهشهدی.
عمان ایران و امریکا اۉرتهسیدهگی مذاکرهلرنینگ واسطهچیسی حسابلنهدی.
اوشبو مذاکرهلر ایلک بار تخمیناً۱۰ کون آلدین عمان پایتختی مسقط شهریده بۉلیب اۉتگن.
مذاکرهلر اۉتکزیلهیاتگن بیر پیتده، امریکالیک رسميلر اوشبو مذاکرهلرنینگ موفقیتیگه شبهه بیلن قرهشماقده.
امریکا تشقی ایشلر وزیری مارکو روبیو یقینده شوندهی دېگن: «حاضرگچه هېچ کیم ایران بیلن موفقیتلی کېلیشووگه اېریشه آلمهدی، اما واشنگتن اۉز حرکتینی قیلماقده».
شو بیلن بیرگه، یقینده دونالد ترامپ اسراییل باش وزیری بنیامین نتانیاهو بیلن اوچرشگنده اېراننینگ باییتیش انشااتلری بوتونلهی یاپیلیشی و باییتیلگن یورانیوم مملکتدن آلیب چیقیلیشی کېرهک دېگن.
او شونینگدېک هر قندهی کېلیشوو ایراننینگ بالیستیک راکت دستورینی هم اۉز ایچیگه آلیشی کېرهک. بو حالتده ایران باییتیشنی دوام اېتتیریشنی و فقط هسته دستوری بۉییچه مذاکره قیلیشینی تأکیدلهماقده.
