ایران جمهور رییسی مسعود پزشکیان، ایران و امریکا اۉرتهسیدهگی عمان ینگی مذاکرهلر باسقیچی، منطقه دولتلری تامانیدن کوزهتیلگن حالده، بیر قدم آلدینگه بۉلگنینی ایتدی.
ایران جمهور رییسی بوگون (یکشنبه، ۱۹ دلو) ایکس اجتماعي ترماغیده «مذاکره هر دایم تینچ یۉل بیلن مسألهلرنی حل قیلیش استراتیژيمیز بۉلگن» دېگن.
اونینگ قۉشیمچه قیلیشیچه، اوشبو مملکتنینگ هستوي دستوری بۉییچه منطقی هستوي قوراللرنی ترقتمسلیک شرطنامهسی دایرهسیدهگی حقوقلرگه اساسلنگن.
ایران و امریکا اۉرتهسیدهگی سۉنگگی هستوي مذاکرهلر عمان پایتختی مسقطده جمعه کونی بۉلیب اۉتگن.
ایران هیاتیگه اوشبو مذاکرهلرده ایران تشقی ایشلر وزیری عباس عراقچی، امریکا هیاتی اېسه امریکانینگ یقین شرق بۉییچه مخصوص اېلچیسی استیو ویتکاف رهبرلیک قیلگن.
ییغیلیش یکونیده ایکّی تامان مذاکرهلرنی دوام اېتتیریشگه کېلیشیب آلگن.
اوشبو مذاکرهلر ایکّی مملکت اۉرتهسیدهگی کېسکینلیک آرتگچ و ایران ایچیدهگی ناراضیلیکلرنی باستیریش آرتیدن اۉتکزیلگن.
امریکا جمهور رییسی دونالد ترامپ ایراننی اگر اېران مذاکره چوکیسیگه قَیتمسه، جوده قتّيق ضربه بیلن یوزلشهدی دېب آگاهلنتیرگن اېدی.
