روسیه تشقی ایشلر وزیرلیگی امریکا جمهور رییسی دونالد ترامپنینگ ایران نمایشچیلرینی اۉلدیریش حالتلریده حربي هجوم بیلن تهدید قیلیشینی «بوتونلهی قبول قیلیب بۉلمهیدیگن» دېب حسابلهیدی.
روسيه تشقی ایشلر وزیرلیگی مطبوعات سۉزلاوچیسی ماریا زاخاروا ژورنالیستلرگه ایتیشیچه، ایران ایچکی ترتیبسیزلیکلرینی بهانه قیلیب اونگه قرشی «باسقین» قیلیشنی ایستهگنلر، بوندهی حرکتلرنینگ یقین شرق و خلق ارا خوفسیزلیک اوچون جدّي عاقبتلری بۉلیشینی توشونیشلری کېرهک.
اونینگ قۉشیمچه قیلیشیچه: «بیز ایراننینگ ایچکی سیاسي جریانلریگه خارجي ارهلشوونی قطعا قارهلهیمیز»
شونینگدېک، تشقی ایشلر وزیرلیگی مطبوعات سۉزلاوچیسی امریکا تامانیدن ایراننینگ تجارت شریکلریگه سالینهیاتگن باجلرنی «بېقیاس» دېب اتهدی و روسيه بونی رد اېتیشینی بیلدیرهدی.
دونالد ترامپ اېسه ایران نمایشلری باشلنگنیدن کېین بیر نېچه بار آگاهلنتیرگن: اگر ایران نمایشچیلرنی اۉلدیرسه، امریکا تامانیدن جوده قتّيق ضربه بیلن یوزلشهدی.
سۉنگّی کونلرده اعلان قیلینگن گزارشلرده، ایران بۉیلب نمایشلر دوامیده ایکّی مینگدن آرتیق آدم هلاک بۉلگنلیگی ایتیلماقده.
ایران حکومتی اېسه اۉز نوبتیده، قربانلر سانینی «کۉزگه کۉرینگن» دېب تصدیقلهگن، اما بونی «ترورچیلر» سبب دېب بیلدیرگن و اولرنینگ پولیس کوچلری، نمایشچیلر و عادي فقرالرنی اۉلدیرگنی تأکیدلنگن.
بیراق، ایران تشقریسیده فعالیت یوریتووچی انسان حقوقلری تشکیلاتلری دولت کوچلرینی بو قیرغین اوچون جوابگر دېب بیلهدی.
دونالد ترامپ شونینگدېک، ایراننینگ سودا شریکلرینی هم تهدید قیلگن: ایران بیلن سودا قیلهیاتگن هر بیر مملکت امریکا بیلن هر قندهی سودا اوچون 25 فایز باج تۉلهشی کېرهک، دېگن.
