سفارت چین در دوشنبه از شهروندان آن کشور خواسته است که مناطق مرزی تاجیکستان با افغانستان را ترک کنند.
این سفارت امروز (جمعه، ۷ قوس) با نشر اعلامیهای تأیید کرده است که سه شهروند چین در یک حملهی مسلحانه در ولایت ختلان تاجیکستان کشته شدهاند و یک شهروند دیگر آن کشور زخمی شده است.
سفارت چین به عاملان این حمله اشاره نکرده، اما گفته است که بجینگ از تاجیکستان خواسته است که در مورد این حمله تحقیق کند.
وزارت خارجهی تاجیکستان دیروز اعلام کرد که در یک حملهی مسلحانه از خاک افغانستان، سه شهروند چین در ولایت ختلان آن کشور کشته شدهاند.
این وزارت گفت که این حمله بر کارمندان شرکت «شاهین اسامالالسی» و با سلاح گرم و یک پهپاد حامل نارنجک انجام شده است.
وزارت خارجهی طالبان این حمله را محکوم کرده و آمادگی خود را جهت همکاری کامل با تاجیکستان برای تحقیق در مورد این حمله اعلام کرده است.
