وزارت خارجهی تاجیکستان میگوید که نمایندگان ویژهی کشورهای آسیای مرکزی و اتحادیه اروپا در ششمین نشست خود در مورد افغانستان، تحولات سیاسی، اقتصادی و اجتماعی این کشور را بررسی کردند.
این وزارت گفته است که این نشست دیروز (چهارشنبه، ۱۷ دلو) در شهر دوشنبه، پایتخت تاجیکستان برگزار شد.
وزارت خارجهی تاجیکستان گفته است که اشتراککنندگان این نشست در مورد وضعیت حقوق بشر در افغانستان، از جمله وضعیت زنان و دختران و چالشها و تهدیدات امنیتی افغانستان نیز گفتوگو کردند.
این وزارت افزوده است که در این نشست رویکرد کشورهای آسیای مرکزی و اتحادیه اروپا برای کمک به افغانستان نیز بررسی شد.
اکثر کشورهای آسیای مرکزی بهجز تاجیکستان تعامل گستردهی سیاسی و اقتصادی با طالبان دارند.
اما در عین حال مقامهای این کشورها و سازمان پیمان امنیت جمعی بارها از تهدیدات امنیتی ناشی از افغانستان ابراز نگرانی کردهاند.
