دولت تاجیکستان چهار پست مرزی جدید و محدوده عملیاتی تانک در مرز افغانستان ایجاد کرده است.
به گزارش آسیاپلاس، این پستهای مرزی توسط امامعلی رحمان، رییسجمهور تاجیکستان، از راه دور افتتاح شده است. گفته شده است که این تأسیسات در بخشهای دورافتاده و کوهستانی قرار دارد که پیشتر تأسیسات حفاظتی کافی نداشت.
بهنوشتهی این رسانه، میدان تانک بخشی از میدان آموزشی «حربمیدون» است که برای آموزش پرسنل متخصص طراحی شده و مجهز به سکوها و سازههای آموزشی مدرن است.
میدان «حربمیدون»، یک مرکز آموزش نظامی در جوار مرز افغانستان است که شامل امکانات آموزشی مختلف، یک نقطهی فرماندهی و دیدبانی، صنفهای رانندگی برای وسایط نقلیهی نظامی و برجهای دیدبانی میشود.
رییسجمهور تاجیکستان به وزارت دفاع و سایر سازمانهای اجرای قانون این کشور دستور داده است تا از این مکان بهطور مؤثر برای ارتقای آموزش پرسنل نظامی استفاده کنند.
تقویت پستهای مرزی تاجیکستان با افغانستان در حالی است که دوشنبه میگوید که در جریان یک ماه شاهد سه حمله از خاک افغانستان به تاجیکستان بوده است.
طبق اعلام کمیته امنیت ملی تاجیکستان، دیروز سه عضو «سازمان تروریستی» که از خاک افغانستان نفوذ کرده بودند، در درگیری با مرزبانان تاجیک کشته شدهاند.
به گزارش خبرگزاری خاور تاجیکستان، در این درگیری دو سرباز نیروهای مرزی تاجیکستان نیز کشته شدهاند.
در بیانیهی کمیته امنیت ملی تاجیکستان آمده است که بهتاریخ (سهشنبه، ۲ جدی)، سه عضو یک سازمان تروریستی از مرز افغانستان عبور کرده و وارد خاک جمهوری تاجیکستان در منطقهی حفاظتشدهی پاسگاه مرزی در منطقهی قاووق ولسوالی شمسالدین شاهین ولایت ختلان شدند.
به نقل از بیانیه، در نتیجهی اقدامات عملیاتی-تحقیقاتی، «محل تروریستان در خاک جمهوری تاجیکستان» دیروز مشخص شد.
در بیانیه آمده است که تروریستان از دستور تسلیم مرزبانان تاجیک اطاعت نکرده و مقاومت مسلحانه کردند. گفته شده است که افراد مسلح قصد داشتند به یکی از پاسگاههای مرزی نیروهای مرزی کمیته امنیت ملی حملهی مسلحانه انجام دهند.
کمیته امنیت ملی تاجیکستان گفته است که طالبان در انجام تعهدات بینالمللی و وعدههای مداوم خود برای تأمین امنیت و ثبات در مرز با جمهوری تاجیکستان و مبارزه با اعضای سازمانهای تروریستی، بیمسئولیتی میکنند.
این کمیته اضافه کرده است که نیروهای مرزی کمیته دولتی امنیت ملی جمهوری تاجیکستان امیدوار اند که رهبری دولت طالبان از مردم تاجیکستان عذرخواهی کرده و اقدامات مؤثر دیگری را برای تأمین امنیت مرزهای مشترک با تاجیکستان انجام دهد.
