وزارت کار و مهاجرت تاجیکستان میگوید که پس از حمله به یک سالن کنسرت در مسکو، تعداد زیادی از کارگران مهاجر اهل تاجیکستان روسیه را ترک و به کشورشان بازگشتهاند.
خبرگزاری تاس، به نقل از شخنوزا نودیری، معاون این وزارت گزارش داده است که بسیاری از شهروندان این کشور بهدلیل ترس روسیه را ترک میکنند.
او گفته است که شهروندان تاجیکستان بهدلیل آزارواذیت نه بلکه اکثر شان بهدلیل ترس و وحشت میخواهند روسیه را ترک کنند.
معاون وزارت کار و مهاجرت تاجیکستان گفته است احتمالا این روند موقتی باشد، اما آنان وضعیت را زیر نظر دارند.
روسیه در ارتباط با حمله به سالن کنسرت «کروکاس» در حومهی مسکو، یازده نفر را بازداشت کرده است که چهار نفر آنان شهروند تاجیکستان هستند.
تاجیکستان نیز گفته است که نُه نفر را در ارتباط به این حمله و همکاری با داعش بازداشت کرده است.
وزارت کار و مهاجرت تاجیکستان گفته است که اکثر کارگران تاجیکستانی بهدلیل ترس از بازداشت یا مورد آزارواذیت قرار گرفتن، میخواهند روسیه را ترک کنند و به کشورشان بازگردند.
براساس گزارش رویترز، کارشناسان میگویند که خروج کارگران مهاجر میتواند میزان کمبود نیروی کار در روسیه را افزایش دهد و این کشور را در بخشهای مختلف با چالش مواجه کند.
در حمله به سالن کنسرت «کروکاس» حدود ۱۴۴ نفر کشته و بیش از ۱۰۰ نفر زخمی شدند.
مسئولیت این حمله را داعش به عهده گرفت، اما مقامهای روسیه اوکراین را پشت این حمله دانستند.
