اطلاعات روز: کونړ کې د افغان ځواکونو او وسله والو طالبانو ترمنځ د جګړې له امله د لرګیو خاوندانو ته مالي زیان اووښتی دی.
په ختیځ کې د ۲۰۱ سیلاب قول اردو د دوهمې لوا ویاند شاهدالله ساپي نن (سه شنبه، ۷ د غویي) اطلاعات روز ورځپاڼې ته وویل، وسله والو طالبانو تېره شپه د نهو بجو خوا ته په غازي اباد ولسوالۍ کې د ملي اردو پر پوستو ډله ییز بریدونه پيل او نښته پیل شوه.
د ده په وینا، چې د افغان ځواکونو په ځوابیه بریدونوکې درې وسله وال طالبان وژل شوي او پنځه نور ټپیان شوي دي. د ساپي په خبره په دې جګړه کې دوه افغان سرتیري هم ټپیان شوي دي.
ساپی زیاتوي: «له تیرې شپې راهیسې افغان ځواکونو او وسله والو طالبان ترمنځ په غازي اباد ولسوالۍ کې جګړه پیل شوې چې له امله یې درې وسله وال طالبان وژل شوي او پنځه نور ټپیان دي.»
په همدې حال کې ځایي خلک وایې، د افغان ځواکونو او وسله والو طالبان ترمنځ په غازي اباد ولسوالۍ کې د جګړې له امله د نښترو د وهل شوېو لرګیو په اډه کې اور لګېدلی او د خلکو په وينا د لرګيو خاوندانو ته په میليونونو افغانۍ زيان اوښتى.
وسله والو طالبان تراوسه په دې اړه څه نه دي ویلي.
