اطلاعات روز: نورستان کې د طالبانو تر کنټرول لاندې باختر خبري اژانس د یاد ولایت د کانونو او پټرولیم ریاست له قوله خبر ورکړی چې په دې ولایت کې د ۱۴۲ مېلیونه او ۷سوه زره افغانیو په ارزښت «بیروج» ګران بیه ډبرې وپلورل شوې.
د نورستان د کانونو او پټرولیم طالب رييس سید رحیم عمیر وايي، دا ډبرې چې ۸۰ کېلو ګرامه وزن یې درلود تېره ورځ (پنجشنبه، ۵ د وږي) د دې ولایت په برګمټال ولسوالۍ کې د ازادې داوطلبۍ له لارې وپلورل شوې.
سید رحیم عمیر ویلي، د دې پلورل شویو «بیروج» ډبرو له درکه ۱۴مېلیونه او ۲۷۰ زره افغانۍ عواید د طالبانو حکومت ته هم جمع شوي.
نوموړی زیاتوي، دا ګران بیه ډبرې د برګمټال ولسوالۍ له بېلابېلو کانونو استخراج شوې وې چې په ازاده داوطلبۍ کې یې یې په لسګونه کورنیو پانګوالو برخه اخېستې وه.
په وروستیو کې په نورستان او کونړ کې طالبانو د ګران بیه او نیمه ګران بیه ډبرو د پلور بهیر او کانونو استخراج چټک کړی او اندېښنې دا دي چې حاکم رژیم د خپل حکومت اړتیاوو ته د رسېدنې په موخه د هېواد له کاني زېرمو ګټه اخلي.
