اطلاعات روز: په لغمان کې ځایي سرچینې وایې چې د دې ولایت په الینګار ولسوالۍ کې د طالبانو تر منځ د یوه کم عمره هلک پر سر په خپلمنځي شخړه کې دوه طالبان ټپیان شوي دي.
یوې باوري سرچینې د نوم نه ښودلو په شرط ویلي چې دا نښته دوې ورځې وړاندې د لغمان الینګار ولسوالۍ اړوند «بصرام» سیمه کې رامنځته شوې.
د سرچینې د معلوماتو له مخې، د طالبانو تر منځ خپلمنځي نښته د یوه کم عمره هلک پر سر شوې چې دواړو لورو پر یو بل ډزې کړي او پر مهال یې دوه طالب جنګیالي سخت ټپيان شوي دي.
تر دې وړاندې هم د هیواد په بېلابېلو ولایتونو کې طالب جنګیالیو د ښځو او کم عمره هلکانو په ځورولو او جنسي تېري تورن شوي دي.
