اطلاعات روز: د اروپايي اتحاديې د پارلمان رييسې روبرتا ميتسولا ويلي چې دا اتحاديه په افغانستان کې جنسيتي اپارتايډ په قوي دريځ سره غندي.
دې د پنجشنبې په ورځ (۲ د وري) په يوه خبري غونډه کې ويلي چې د اروپايي اتحاديې په ګاونډ کې له کړکېچونو سره-سره چې په افغانستان کې څه ترسره کېږي او په دې هيواد کې د طالبانو له لوري د ښځو د حقونو کوم نقض کېږي، نه يې هېروي.
اروپايي پارلمان په تازه توګه يو پرېکړهليک تصويب کړی دی او له طالبانو يې غوښتي چې د ښځو او نجونو حقونو ته درناوی وکړي.
دې بنسټ ويلي چې طالبانو عملا ښځې او نجونې له عمومي ژوند څخه حذف کړې دي او دا د جنسي ځورونې او جنسيتي اپارتايډ په څېر دي.
د اروپا پارلمان ټينګار کړی چې له طالبانو سره د دې اتحاديې هر ډول تعامل يوازې د شورا له لوري د سختو ټاکل شويو شرایطو او د ملګرو ملتونو د ځانګړي راپورچي له سپارښتنو سره سم دوام کولای شي.
ياد پارلمان ويلي چې د افغانستان د مدني ټولنې د هغې غوښتنې ملاتړ کوي چې د ملګرو ملتونو له لورې دې د څېړنې يو مستقل ميکانيزم جوړ او د نړيوالې جنايي محکمې له لورې دې له طالبانو د دوی د جنايتونو په اړه پوښتنه وشي.
