اطلاعات روز: د ننګرهار ولایتي چارواکي وایي، په دې ولایت کې د سولې له بهیر سره ۲۲ وسله وال طالبان یو ځای او د داعش ۸ غړي حکومت ته تسلیم ۸ شوي دي.
د ننګرهار والي ضیاالحق امرخیل نن (دوشنبه، ۲۲ مرغومې) اطلاعات روز ورځپاڼې ته وویل، چې د ملي امنیت په هلو ځلو ۲۲ وسله وال طالبان د سولې له پروسې سره یو ځای او له جګړې لاس په سر شول.
ښاغلی امرخیل وایي، په ورته وخت کې د داعشیانو ۸ غړي ملي امنیت ته تسلیم شوي دي.
د والي په خبره چې یادو وسله والو له دې وړاندې د دې ولايت په هسکې مېنې، خوږياڼو، شينوارو او بټي کوټ ولسواليو کې فعالیتونه کول.
امرخیل زیاتوي: «نن د وسله والو طالبانو ۲۲ غړي د سولې له بهیر سره یو ځای شول، جګړه یې بس کړه او ۸ د داعش ډلې غړي بیا حکومت ته تسلیم شوي دوی په مختلفو ولسوالیو کې فعالیتونه کول.»
تراوسه داعش او طالب وسله والو په دې اړه څه نه دي ویلي.
