اطلاعات روز: نيمروز کې د طالبانو ولايتي مسوولين خبر ورکوي چې ددې ولایت دلارام ولسوالۍ کې یې د نشه یي توکو يوه فابريکه کشف او ترلاسه شوي توکي يې سوځولي دي.
د نيمروز لپاره د طالبانو د اطلاعاتو او کلتور ريیس مفتي حبیب الله الهام وايي، چې په دغه کارخانه کې یې ٥٠٠ کيلو ګرامه اومان، ١٠ کيلو سوډا، ١٠ ډبي تيزاب، پنځه کيلو سيچمي، ١٠ بطرۍ او یو اندازه تېل نیولي دي.
هغه همدا راز زياته کړه، چې په دې ولايت کې دوی د ۱۴ کيلو ګرامو مخدره توکو په تور پنځه کسان هم نيولي دي.
دده په خبره، چې نيول شوي کسان د نږدې ۱۴ کيلوګرامه هيرویينو، ښيښې او ترياکو د لېږد په تور نيول شوي او د هغوى دوسيې يې عدلي او قضايي ارګانونه ته لیږلې دي.
د طالبانو بیا ځل واکمنېدو سره د دغې ډلې مشر د نشه یي توکو په کښت او قاچاق کلک بندیز لګولی او خبرداری یې ورکړی که څوک له دغه بندیزونو سرغړونه وکړي له جدي غبرګون سره به مخ شي.
