اطلاعات روز: د طالبانو د سرپرست حکومت د نورم او سټنډرډ ملي ادارې له لوري کندهار کې د يوه کمپاين پرمهال د تیلو ۲۵ پمپونه او پنځلس ذخیرې د بې کیفیته او ګران بیه تیلو پلور له امله تړل شوي دي.
د دغه ادارې مشر نور احمد ياسر وايي، ياد کمپاين د هېواد په څلورو ولايتونو کې د بې کيفيته او ګران بیه تېلو د مخنيوي په موخه پېل شوی دی.
نوموړی زیاتوي، کندهار ښار کې يې د بېلابېلو تیلو پمپونو ارزونه کړې چې له ډلې یې پنځه ويشت پټرول پمپونه او پنځلس د تېلو هغه ذخيرې بندي کړي چې بې کیفیته تېل یې په لوړه بیه پلورل.
هغه وویل: « د کندهار په بېلابېلو ناحيو کې مو د څلويښتو پټرول پمپونو ارزونه ترسره کړې چې له هغې جملې پنځه ويشت پټرول پمپونه د بې کيفيته تېلو د پلورلو له امله بند شول او پنځلس د تېلو ذخیرې وتړل شوې، زموږ دا کمپاين به نورو ولايتونو ته هم وغځېږي.»
دغه راز کندهار کې د پټرول پمپونو مسوولين د دې کار خوښ بریښي او وایي، چې بې کيفيته تېل دوی نه بلکې تجاران راواردوي.
د دوی په خبره د طالبانو حکومت دې دوی ته د ښه کيفيت لرونکي تېل وارد کړي ترڅو په پټرول پمپونه کې د دغه ډول کړنو مخه ونیول شي.
د يادونې وړ ده چې تردې وړاندې د کندهار اوسېدونکو شکايت کوه چې دغلته زيات شمېر پټرول پمپونه بې کیفیته تیل په لوړه بیه پلوري.
