به دنبال تشدید جنگ در شمال و شمالشرق افغانستان، امامعلی رحمان، رییسجمهور تاجیکستان جلسهی شورای امنیت ملی تاجیکستان را برگزار کرده است.
این جلسه روز گذشته (دوشنبه، ۱۴ سرطان) برگزار شده است. در این جلسه در مورد تقویت حفاظت از مرز و اعزام نیروهای اضافی به مناطق ضروری در مرز با افغانستان تصمیم گرفته شده است.
در جلسهی شورای امنیت ملی تاجیکستان، رجبلی رحمان علی، فرمانده نیروهای مرزی و رمضان رحیمزاده وزیر داخلهی آن کشور دربارهی وضعیت در مرز تاجیکستان با افغانستان گزارش دادهاند.
رییسجمهور تاجیکستان در جلسهی شورای امنیت ملی به وزیر دفاع این کشور هدایت داده است تا ۲۰ هزار نیروی ذخیره را به نقاط مرزی با افغانستان مستقر کند.
این درحالی است که در هفتههای اخیر طالبان در شماری از ولایات در شمال و شمالشرق کشور پیشروی داشتهاند. پیشروی طالبان نگرانی شماری از کشورهای آسیای میانه از جمله تاجیکستان را در پی داشته است.
به دنبال حملات طالبان، صدها نیروی امنیتی به تاجیکستان عقبنشینی کردهاند. شمار این نیروها از سوی رسانههای تاجیکستانی بیش از یکهزار و ۵۰۰ نفر گفته شده است.
