عبدالله عبدالله، رییس شورای عالی مصالحهی ملی در جریان سفرش به تاجیکستان، با نخستوزیر و رییس مجلس نمایندگان آن کشور بهصورت جداگانه دیدار و در مورد تلاشهای صلح افغانستان صحبت کرده است.
آقای عبدالله، نقش تاجیکستان را در تأمین صلح در افغانستان، با درنظرداشت تجربهی صلح در آن کشور مهم خوانده و خواهان همکاری تاجیکستان در این زمینه شده است.
سپیدار در دو اعلامیه گفته است که قاهر رسولزاده نخستوزیر و محمدطاهر ذاکرزاده رییس مجلس نمایندگان تاجیکستان در این دیدارها گفتهاند که دوشنبه از تلاشهای صلح در افغانستان استقبال و از آن حمایت میکند.
نخستوزیر تاجیکستان در دیدار با عبدالله، روابط میان دوشنبه و کابل را حسنه خوانده و گفته است که تاجیکستان صلح و ثبات در افغانستان را صلح و ثبات در تاجیکستان و منطقه میداند. رییس مجلس نمایندگان تاجیکستان نیز در دیدار با عبدالله، بر همین موضع تأکید کرده است.
در همین حال، سپیدار گفته است که آقای عبدالله در مورد مذاکرات صلح، حمایت منطقهای و بینالمللی از تلاشهای صلح، سفرهای منطقهای و وضعیت سیاسی در افغانستان به مقامهای تاجیکستان معلومات داده است.
عبدالله عبدالله، رییس شورای عالی مصالحهی ملی صبح امروز (دوشنبه، ۱ جدی) در رأس یک هیأت بلندرتبه برای جلب حمایت منطقهای از تلاشهای صلح افغانستان، به تاجیکستان رفت.
طبق اعلام سپیدار، این سفر بنا بر دعوت رسمی مقامهای تاجیکستانی صورت گرفته است.
عبدالله قرار است با امامعلی رحمان رییسجمهور و سراجالدین مهرالدین وزیر خارجهی جمهوری تاجیکستان نیز دیدار کند
سفر عبدالله به تاجیکستان درحالی صورت میگیرد که او پیش از این نیز برای جلب حمایتهای منطقه از روند صلح افغانستان، به پاکستان، ایران، هند، ازبیکستان و ترکیه نیز سفر و با مقامهای این کشورها دربارهی تلاشهای صلح دیدار و گفتوگو کرده بود.
