اطلاعات روز: له کندهار څخه سیمهییزې سرچینې وایي چې د «ولی الله» په نوم د یوه تن سر پرې کړی جسد د کندهار ښار د عینومینې په ښارګوټي کې موندل شوی دی.
سرچینو د نوم نه ښودلو په شرط ویلي چې ولی الله د روژې پر ۲۷ له خپله کوره نادرکه شوی و او جسد یې نن (سېشنبه، ۱۲ د وري) په داسې مهال کې موندل شوی چې سر یې پرې کړل شوی و.
د سرچینو په وینا، نوموړي د پخواني جمهوري نظام په محلي پولیسو کې دنده ترسره کړې وه او د «نامعلومو کسانو» له لوري تر تښتول کېدو وروسته وژل شوی.
پر افغانستان د طالبانو تر واکمنېدو وروسته له بېلابېلو ولایتونو د پخوانیو نظامیانو د وژلو راپورونه ورکړل شوي دي.
ملګرو ملتونو هم د طالبانو له لوري د پخواني حکومت د نظامیانو او چارواکو د وژلو، خپلسرو نیونو او شکنجه کولو راپورونه تایید کړي دي.
