اطلاعات روز: نيوزيلينډ د پنځوس اوريز نړيوال جام په لوبه کې افغانستان ته د ۱۴۹ په توپير ماتې ورکړه.
افغانستان او نيوزيلينډ نن (چهارشنبه، ۲۶ د تلې) د هند په چينای ښار کې سره مخامخ شول چې افغانستان د ټاس په ګټلو د توپ اچونې پرېکړه وکړه.
د افغانستان له لوري د توپ اچونې پيل ښه و، که څه هم افغان لوبغاړو ونشوای کولای چې د نيوزيلينډ د دوو لوبغاړو کيچونه ونيسي خو بيا هم نيوزيلينډ د پيل بريدګر توپ وهونکی پر ۳۰ منډو له لاسه ورکړ.
نيوزيلينډ د وروستيو دوو توپ وهونکو ټام لتام او ګلين پيليپس د اوږدې ملګرتيا په مټ وکولای شول چې افغانستان ته د ۲۸۹ منډو غوره هدف ورکړي.
د نيوزيلينډ له لوري تر ټولو ډېري منډې ۷۱ ګلين فيليپس وکړې.
د افغانستان له لوري عظمت الله عمرزي او نوين الحق دوې او راشد خان او مجيب الرحمان يو-یو نيوزيلينډي لوبغاړي وسوځول.
د افغانستان له لوري توپ وهنه له ستونزو سره مخ وه او پر ۲۷ منډو يې د پيل لوبغاړی رحمان الله ګربز بايلود.
تر دې وروسته افغان لوبغاړو د نيوزيلينډي توپ اچوونکو په وړاندې اوږدې ملګرتياوې جوړې نکړای شوې او پر لپسې وسوځېدل.
افغانستان ټولې ۱۳۹ منډې وکړې.
په افغان توپ اچوونکو کې رحمت شاه تر ټولو ډېري ۳۶ منډې وکړې.
د يادونې وړ ده چې افغان لوبډلې تر دې وړاندې د روانې اکتوبر مياشتې پر ۱۵ انګلستان ته ماتې ورکړې وه.
افغان لوبډله به د همدې مياشتې پر ۲۳ له پاکستان سره مخامخ کېږي.
