اطلاعات روز: د خوړو نړيوال پروګرام ويلي، که په افغانستان کې د خوراکي توکو د مرستو لپاره بودیجه برابره نه شي، نو په دې هيواد کې به ښځې د «خپلې ژغورنې وروستۍ چاره» هم له لاسه ورکړي.
دې پروګرام نن (سېشنبه، ۴ د تلې) پر ايکس خواله رسنۍ په يوه پيغام کې ويلي، چې د بودیجې کمښت په دې معنا دی چې يو ميليون ميندې او اولادونه به يې نور د خوړو په برخه کې ملاتړ ونه لري.
ښځې په افغانستان کې هره ورځ له عمومي ژوند څخه حذف کېږي او د خپلو اولادونو د معاش او خوراک د دوام لپاره فرصتونه له لاسه ورکوي.
د خوړو نړيوال پروګرام زياته کړې، چې د خوړو نړيوال پروګرام اړ شوی چې په افغانستان کې خپلې مرستې کمې کړي، چيرته چې ۱۵ ميليونه تنه نه پوهېږي چې خپل بل خوراک به له کومه ځايه ترلاسه کوي.
دا پروګرام وايي، چې په سخت او ساړه ژمي کې له افغانستان سره د مرستې لپاره يو ميليون ډالرو ته اړتيا لري.
تر دې وړاندې د خوړو د نړيوال پروګرام اجرايوي مديرې سينډي مک کين ويلي و، چې دا پروګرام په افغانستان کې د اکتوبر مياشتې د تېرولو لپاره کافي بودیجه نه لري او که بودیجه ترلاسه نه کړي نو اړ دي چې افغانستان پرېږدي.
