اطلاعات روز: د بلخ پوهنتون د ژبو او ادبياتو پوهنځي نارينه محصلين وايي، چې د پوهنتون د تحريمولو پر ژمنه ټينګ دي او له نجونو پرته به ټولګيو ته حاضر نشي.
دوی په مرغومي مياشت کې په يوه ليک کې د بلخ پوهنتون رياست ته په يوه ليک کې ويلي و، چې تر څو د نجونو پرمخ پوهنتون خلاص نشي، تر هغو به دوی هم ټولګي ته حاضر نشي.
د بلخ پوهنتون د ژبو او ادبياتو پوهنځي نارينه محصلينو په يوه نوي ليک کې د پوهنتون رياست ته ليکلي، چې پر خپله ژمنه ولاړ دي.
د دې محصلينو په ليک کې راغلي: «موږ پر خپله کړې ژمنه ولاړ يو.»
تازه ښځينه محصلينو په يوه ليک کې له نارينه محصلينو او استادانو غوښتي چې خپلو ژمنو ته دې پابند پاتې شي او پوهنتونونه دې تحريم کړي.
د طالبانو د لوړو زده کړو وزارت د پوهنتونونو د پرانستل کېدو نېټه يوازې د نارينهوو لپاره اعلان کړې ده او له دې اعلان سره سم، نن (دوشنبه، ۱۵ د کب) پوهنتونونه پرانستل کېږي.
