اطلاعات روز: د ښځو او نجونو د حقونو لپاره د امريکا ځانګړې استازې رينا اميري په يوه ټويټ کې ويلي چې د طالبانو له لوري پر ښځو او نجونو بنديزونه له دين او مذهب سره هيڅ اړيکه نه لري.
نموړې نن (چهارشنبه، ۱۲ د سلواغې) ويلي چې د طالبانو دا اقدامات د نړۍ، د اسلامي هيوادونو د همکارۍ سازمان، اکثريت مسلمان لرونکو هيوادونو او په خپله افغانانو له لوري رد شوي دي.
اميري ټينګار کړی، چې د ښځو پر کار او زده کړو بنديز له دين او فرهنګ سره تړاو نه لري، بلکې طالبان د افغانستان تر ټولو لويه وړتيا خفه کوي.
طالبانو په خپله وروستۍ پرېکړه کې نجونې د خصوصي تحصيلي بنسټونو په کانکور ازموينه کې له نومليکنې بندې کړې دي.
دې پرېکړي نړيوال غبرګونونه را پارولي دي.
په افغانستان کې د ملګرو ملتونو د معاونت دفتر (يوناما) د طالبانو له خوا د خصوصي پوهنتونو په کانکور ازموينه کې د ښځو پر ګډون بنديز پر غلط لوري يو بل ګام بللی دی.
تر دې وړاندي طالبانو تر شپږم ټولګي پورته نجونو پر مخ ښوونځي تړلي او په دولتي پوهنتونو کې يې د ښځو او نجونو زده کړې ځنډولې دي.
طالبانو په دولتي او غير دولتي ادارو کې د ښځو پر کار هم بنديز لګولی دی.
