اطلاعات روز: په مرکز ګردېز کې له څه مودې راهیسې د ګردېز ښاروالۍ له لوري د ټولو هغو مایع ګاز پلورونکو هټۍ ور بندې کړي، چې د ښاروالۍ ریاست له لوري ځانګړي شوي ځای ته یې له انتقاله سرغړونه کړې ده.
د طالبانو د ګردېز ښاروالۍ ریاست له لوري په خپره شوې خبرپاڼه کې راغلي چې دوی د اصنافو تقسیم بندي په هدف په ښار کې د بې نظمیو د مخنیوي لپاره په دغه کار لاس پورې کړی دی.
په خبرپاڼه کې همدا راز راغلي چې که ګاز پلورونکي ټاکل شوي ځای ته انتقال نه شي دوی کولی شي، چې په سیار او پرچون ډول په خلکو مایع ګاز وپلوري.
په همدې حال کې بیا ګاز پلورونکي د ښاروالۍ له خوا ټاکل شوي ځای ته د دوی د کاروبار ور انتقال له وخت مخکې بولي او وايي، هغه ځای چې د دوی لپاره د ښاروالۍ ریاست له خوا ټاکل شوی مناسب نه دی.
که څه هم د بېلابېلو توکو ځینو هټۍ والو د اصنافو تقسیم بندي برخه کې مالي تاوان کړی خو ښاریان بیا د ښاري نظم لپاره د ښاروالۍ له شوي اقدام هرکلی کوي.
له تېرو څو میاشتو راهیسې د ښاروالۍ له لوري د ګلانو پلورونکي، قصابان، سبزي پلورونکي او ځینې نور هټۍ وال مشخص کړل شویو ځایونو ته ور انتقال کړي، چې په ښاري نظم کې یې مهم رول لوبولی دی.
