اطلاعات روز: د نيمروز ولايت د کوويډ-۱۹ روغتون ډاکټران وايي، په دغه ولايت کې د بيزو تڼاکې یا مانکي پاکس ناروغۍ دوه مشکوکې پېښې موندل شوي دي.
د نیمروز روغتیا پالان وایي، دغه دوه کسان یې ځکه بستر کړي چې پر بدن یې د بیزو تڼاکې یا چیچک ناروغۍ نښې نښانې لیدل شوي دي.
ډاکټران زیاتوي، چې دغه ناروغان په دې وروستيو ورځو کې د ايران هېواد د سيستان ايالات د چابهار ولسوالۍ څخه نيمروز ته راستانه شوي او د صحي کارکوونکو له لوري يې ناروغي موندل شوې.
د دوی په خبره دواړو ناروغانو عمرونه له ۱۵ څخه بيا تر ۱۹ کلونو پوري دې او د يوې مياشتې له پاره به د دې ولايت په کوويډ-۱۹ شفاخانې کې بستر وي.
د دې شفاخانې د ډاکټرانو په وينا، چې د بيزو ټڼاکې ( Monkey pox) د ناروغانو د تشخیص معاينات يې د روغتيا نړيوال سازمان (W.H.O) په مرسته له هېواد څخه بهر استولي ترڅو ثابته کړي چې آيا همدا د بيزو تڼاکې په نوم نوې ناروغي ده او که نه.
دوی دا هم وويل، اوس وخت په داخل د افغانستان کې هيڅ يو داسې لابراتوار او کيټونو ته لاس رسی نه لري تر څو دا ناروغي پهکې تشخيص کړي.
د بیزو تڼاکه ویروسي ناروغي ده، چې پرې اخته کسان والګي ډول په څېر ستونزې پيدا کوي او ورو ورو یې په بدن تڼاکې او سور والی پيدا کېږي چې ورسره سوی او درد هم لري.
په ورته وخت کې د نيمروز څخه يوې ځايي سرچينې اطلاعات روز ورځپاڼې ته وويل کوم کسان چې د نيمروز ولايت په کوويډ-۱۹ شفاخانې کې د بيزو چیچک ناروغۍ تر نوم لاندې بستر شوي و، هغوئ د يکشنبې په ورځ له روغتون تښتیدلي و چې وروسته طالبانو ونیول او بیرته یې روغتون ته وسپارل.
په نړۍ کې د مانکي پوکس ویروس شاوخوا ۲۰۰ پېښې تازه تایید شوي چې سل یې له افریقا بهر دي.
روغتیا پالان وايي، کېدای شي چې دا ناروغي هم د کوويډ-۱۹ ناروغۍ په شان ډېر ژر د نړۍ د هېوادونو تر منځ خپره شي هغه څه چې مخکې له مخکې يې د روغتيا نړيوال سازمان تر خپلې اغیزې لاندې راوستی.
